Reklamasjon

Tips og råd

Følg alltid vaskeanvisninga på plagget.
Ein treng ikkje vaska ull så ofte. Ein kan henga det opp til lufting etter bruk, og du kjem langt med å berre gni av flekkar og smuss med ein våt klut.
Bruk alltid vaskemiddel berekna for ull.
Vask for hand eller bruk ullprogram. Andre program på vaskemaskina brukar lenger tid og dermed meir rørsle. Plagget vil då kjennast stivare ut etter vask på grunn av dei “hårete” fibrane med mykje struktur. Denne strukturen vil tova seg saman (strukturen i fibrane fester seg i kvarandre som borrelås) og får plagget til å kjennast meir kompakt.
Vaskemiddel i pulverform må løysast opp i vatnet før ein legg i plagget. Pulveret er sterkt og kan skada fibrane og laga skjolder/bleika flekkar i plagget.
Skyllemiddel er unødvendig. Det inneheld kjemikalier som eit naturleg produkt som ull ikkje treng.
Ull bør tørkast liggande for å behalda passformen. Gjeld primært strikka genserar i tjukkare kvalitet då våt ull vil strekka seg om den heng. Tynnare ullplagg som f.eks. Smala og Rose frå Kari Traa kan fint hengast opp til tørk (men ikkje med klyper).
Aldri bruk tørketrommel. Det er ein myte at høg temperatur er årsaken til at ullplagg tovar seg saman. Sanninga er at det er sjølve tromlinga og rørslene som er skuld i det.

Følg alltid vaskeanvisninga på plagget.
Bruk ikkje skyllemiddel då det kan hemma pusteevna ved at det tettar “porene” i ytterstoffet.
På plagg med DWR behandling (Durable Water Repellent) anbefalar me bruk av tørketrommel med låg temperatur for å auka levetida.
Bruk ALLTID tørketrommel med låg temperatur på dunplagg dersom det ikkje heng til tørk i eit ekstra varmt rom/skap. Dunet tørkar ikkje raskt nok utan ekstra varme, og fuktig dun kan danna mugg/råte lukt. Dunet kan óg setja farge på lyse stoff, spesielt kvitt. Det kan bli gule skjolder (“kaffiflekkar”) av det naturlege “feittlaget” som er i all dun og fjær.
Eit par tennisballar (eller liknande, berre det ikkje er for tungt, for lett, ikkje har skarpe kantar, ikkje set farge på plagga, osv.) inni trommelen er med på å redusera tida ein treng å tromla, og hjelpar til med å fordela dunet. Det er ikkje eit “must”, ein kan óg ta ut jakka og puffa den oppp sjølv ein gong imellom dersom ein ikkje har tennisballar.
Impregnér plagget jamleg, anten med spray eller vask. Fordelen med spray er at den berre legg seg på utsida og vil ikkje hemma pusteevna.