Holmenkollstafetten 2012

Etter ei utfordring frå Holta Invest vart det til at me (Active Brands – BJ-Sport/Skigutane/Åsnes) stilte lag til årets stafett. Det skulle på ingen måte stå på viljen, og me var faktisk nok påmelde til at me kunne stilla med to lag!

Vossagjengen lada opp med pizza, øl og vin på toget, og invaderte Tigerstaden fredagskveld. Majoriteten av oss tilreisande hadde ikkje vore med på stafetten tidlegare, og ei heller før hatt eit startnummer på brystet i det heile! Utryggleiken kom sakte og roleg etterkvart som timane før start nærma seg. Ikkje for sjølve løpinga, men meir fordi ein ikkje heilt visste kva ein hadde i vente. Alt gjekk bra og alle kom fram til veksling. Me fullførte stafetten, og for fleire av oss var dette eit punkt som kunne strykast av lista over “ting eg skal gjera før eg dør”!

Viktig å påpeika at Active Brands 1-laget tok utfordringa frå Holta Invest på strak arm og gjekk av med sigeren internt!

Etter løpet inviterte komitéen v/ Simen og co. til ein aldri så liten fest på Oslo-kontoret: Ferske reker, herlege dip og forfriskande vin. Utdeling av medaljar til Active Brands 2-laget for god innsats og sjarm! Og ikkje minst, filmframvisning av stafetten med Erik Røste som kommentator. NRK har gått glipp av eit stort talent – Priceless, rett og slett!!

Når det gjeld spørsmålet om kven som vann festen er det ingen tvil: Det var ikkje BJ-Sport, ein gjeng “langrennsløparar” som denne gongen la seg tidleg :P Heller ikkje Skigutane/Åsnes sjølv om dei rula dansegolvet. Det var Holtagjengen som imponerte stort då ordtaket “Helt om natta, helt om dagen” også skulle visa seg å gjelda hjå dei!

Takk for ei fantastisk helg, kvar og ein! Wouldn’t be the same without you!

P.S. Grunna fokus på eigne prestasjonar under løpet vart det ikkje knipsa så mange bilete. Også like greitt at festen heller ikkje vart dokumentert biletleg ;)

Me er imponerte over Knoll og Tott (les: Hans og Hege) som stelte i stand alle oppgåvene og rebusane i løpet av 10 minuttar. Blant anna skulle me filma ein fødsel eller ein nyfødd, og svara på kva bygdadyret er og kor ein finn det. Her var det mange fantasifulle svar, deriblant taxisentralen og avisa Hordaland. Om nokon lurar så finn ein svaret her!

Vel heima igjen på kontoret var det duka minnestund for og med hovudpersonen sjølv, med ekta Vossatapas, sushi og god drikka! Me blåste av støvet frå gode sitater og gamle excel-ark frå ØL himself, noko som brakte latter i salen.

“La oss ta Bagdad før folket blir sure!”

“Likegyldig hvem dere feier over!”

“Kulekjørere kommer ikke til start… langrennsløpere må en ha på laget, de kommer til start!”

“Det tar vinter, votter og vår å få mailen gjennom!” -ØL etter å ha sendt ein stooor mail til ALLE i Skigutane

Det skal seiast at Mr. ØL slapp billeg i frå det heile, det vart korkje krossfesting eller gravleggjing, men han måtte gje frå seg litt kroppsdelar oppi ei urne, og med seg fekk han ein kondolanseprotokoll, og sjølvsagt – GULLKLOKKA!

Me takkar deg for dine 12 år i Skigutane! Sjåast plutseleg!

Eit svakt lys kunne skimtast oppi 3. etasje og kasta spøkelsesaktige skygger på veggane. Mistenkjelege lydar skapte ei uhyggjeleg stemning. Var det besøk frå ”den andre sida”?

Etter natta sine skjulte løyndomar var det atter arbeidsdag og alle spor frå “mørkets herre” var som viska vekk. Eller…?!

Synet som møtte dei tilsette oppi 3. var til å ta og kjenna på. Bokstaveleg tala…

I løpet av den mørke og stormfulle kvelden hadde “nokon” uhyggjeleg rulla kontorstolen til Christian Short med dopapir. Og “nokon” hadde gjort seg flid med å speilvenda heile kontoret til vår kjære Hege KRISTIN Magnusson.

Store spørsmålsteikn heng på rekkje og rad i lufta. Kva har skjedd? Kortid skjedde det? Kven gjorde det? Korleis vart det gjort? Kvifor vart det gjort?
Derrick har diverre avgått med døden. Det same med Columbo. Hercule Poirot er opptatt og Bergerac har gitt seg. Svaret på mysteriet let seg difor venta.

Kven er skurken som utan tanke for eige liv og helse (og eventuelle andre konsekvensar) står bak julenøtta 2011?
Skriv i kommentarfeltet om du sit med løysinga. Er du heldig kan du troppa opp på kontoret til Hege og plukka med deg noko frå goodiebag’en!

Me fordelte oss i to bussar, og fyrste «stopp» på turen var ein «drive-in fjøs». Her blei det snart tydeleg at bonden hadde svært varme kjensler for dyra sine, så me kunne lett konstatera at ei Bula-ku er ei lykkeleg ku…

På jolabord er det lett å miste alle hemningar. Difor var det eit godt påfunn å gje dei involverte åndeleg styrke gjennom nattverd før festen starta. Her registrerte me at blådressane frå hovudstaden var fyrst i køen. Med Meister i glaset og Ritz på tunga var alle etter kvart klar for å gje seg over i fortapinga, eventuelt motstå den. Mange fekk nok karakteren svekka allereie under siste stopp på turen opp til fjellet, der drive-in kino plutseleg fekk ei ny betydning. Kva me fekk sjå må rett og slett sensurerast her, men me gler oss til reprisen neste år!

Årets fyrste snø gjorde seg til kjenne denne dagen, og til slutt kom me fram til eit Winter Wonderland på Mjølfjell. Her knitra det lystig i peisen, og fjellfjolsa frå Skigutane fekk ein varm velkomst.

Som seg hør og bør lyt ein ha ein skikkeleg årskavalkade, og i årets oppsummering inngjekk ei musikkvideo frå logistikkgjengen som fekk fram tårene hjå alle som var til stades. Overløparen Judas United vart også utpekt og premiert på høveleg vis (me nemner ingen namn, men det byrjar på Ø og sluttar på Lauritzen), og vinnaren av årets fruktkorg blei rørt av lykke. Den viste seg seinare å passa perfekt til nattmat.

Kva som vidare skjedde er noko uklart for fleire, men me trur at det meste gjekk føre seg i saumelege formar, med få unntak. Festen fortsatte ut i dei små timar, og sjeldan har så mange dansa linedance saman, iallfall på dette dansegolvet (og nokre av borda). Ryktet seier at ikkje alle kom seg til køys før frukost, og det seier seg vel sjølv at «arbeidet» på fredagen blei noko amputert. Heldige er dei som har ei sofa på kontoret, med ein rosa skinnfell å kvile seg på!

Årets jolabord går i historien som eit av dei betre, og me takkar alle bidragsytarar, spesielt Hans, Hege, Oddgeir og Kristoffer!

Om nokon ynskjer å sjå eit tilsvarande arrangement med same gjeng og same energi, sjå julebordet frå 2010 ;)

I god Skigutane tradisjon var det ikkje berre det sportslege som stod i fokus. Sikkerheita til både dei i eliteklassa og i klassa for idealtid vart sjølvsagt teke godt vare på, for i målområdet venta ei vaskeekte ambulanse med tilhøyrande kvalifisert personell. Og minst like viktig er det å ha det morosamt i lag. For kven andre enn marknadssjefen i Åsnes stilte på startstreken med Åsnesski, grunngjevinga var at det hadde komt snø på fjellet. Han slapp i alle fall bakglatte ski.

Arrangørane hadde gjort ein kjempejobb med å henge opp reklamebanner, start- og mål-flagg, rigge opp speakeranlegg og utstyr for tidtaking. Veldig proft, men anna kan ein ikkje vere kjent av for Voss sitt fjerde største motbakkeløp.

Etter at dei fysiske utskeielsane var over vart det servert betasuppe laga av Knut, vår eigen kokk. Dermed kunne festen for alvor starte. Først måtte vinnaren av beste kostyme premierast, og her var det ikkje mykje tvil. Når ei ambulanse inngår i kostymet har dei andre ikkje mykje å stille opp med. Etter det fekk vinnarane av idealtid og elite kvar sine medaljer. Og sidan Hans verkeleg var i det gavmilde hjørnet var det knapt nokon som gjekk heim utan medalje for eit eller anna den kvelden.

I sin serie med begravelseritual hadde Hans denne kvelden kome til kremering. Bjarte måtte dermed avsjå nokre kroppshår som vart høgtidleg kremert og lagt i ei urne, for slik Hans sa det “…at me skal ha noko å minnast deg etter du har slutta hjå oss”.

Stemninga var høg slik den brukar å vere på festane til Skigutane, og alle koste seg til langt på natt. Jammen vart det ikkje fleire rundar med “line dance” på dansegolvet utover kvelden også, nett slik det brukar å vere.

Om dette vert eit fast arrangement vil berre tida vise, men etter det vår kjelde kan fortelje så er sjansane for det gode.

Resultatmessig kom me til semifinalen, men det viktigaste var sjølvsagt å vinna banketten som cowboys og cowgirls med forrykande linedance!

Active Brands kjøper det norske telt- og soveposeselskapet Nanok (www.nanok.no). Målsetningen med oppkjøpet er å styrke konsernets posisjon og kompetanse innen fjell- og friluftsområdet. Nanok og dets ansatte vil på sikt inngå i Åsnes Sport AS som er konsernets forretningsområde for fjell og friluft. Eierne av Nanok blir med videre på eiersiden i Active Brands.

Nanok ble startet i 2002 av erfarne fjellfolk og produktutviklere med fokus på soveposer og telt. Merkevaren er kjent for kvalitet, funksjonalitet og innovasjon. Produktene selges gjennom sports- og spesialistbutikker i en rekke land i Europa.

Active Brands tar med oppkjøpet et nytt og viktig steg videre mot målet om å bli en ledende leverandør til sportsbransjen i Norge og Norden.
Daglig leder i Active Brands, Simen Mørdre, er godt fornøyd med oppkjøpet av Nanok.

”Vi har store ambisjoner med utviklingen av Active Brands konsernet som en ledende norsk og nordisk leverandør til sportsbransjen. En av de sektorene vi ønsker å lykkes innen er fjell og friluft. Med Nanok om bord, har vi både fått en ny og flott merkevare samt styrket oss kompetansemessig innen viktige hardvareområder. Dette gir oss spennende muligheter framover.”

Ellers var det fantastisk god stemning, og sjølv om veret no ikkje var like bra som under opninga, gler me oss vilt til ei fartsfylt veke med mykje sportsleg moro, happy tunes og HUMOR!

Etter lunsj fekk dei fine damene og herrene seg eit glas vin på Tre Brør – Sidan det var tirsdag. Sidan det var fint ver. Og sidan me skulle feira Hegbom som forøvrig ikkje hadde pynta seg, og fekk difor ikkje vera med ;)